PAGSUSURI ng isang episodo ng KMJS (Sino nga ba ang totoong nagpapatay kay Heneral Luna?!)

 

Ang "Kapuso Mo, Jessica Soho" (KMJS) ay kilalang programa sa telebisyon na nagtatampok ng mga kwentong tunay at masasalamin ang buhay ng mga Pilipino. Sa bawat episode, inaalam at sinisiyasat ng programa ang mga usaping panlipunan, kultura, at kasaysayan na mahalaga sa publiko. Sa episode na "Sino nga ba ang totoong nagpapatay kay Heneral Luna?!", tinalakay ang isa sa mga pinakanakakasangkot na kaganapan sa kasaysayan ng Pilipinas: ang pagkamatay ni Heneral Antonio Luna, isang pangunahing lider sa panahon ng Digmaang Pilipino-Amerikano. Sa pagsusuring ito, tatalakayin ang nilalaman, layunin, paraan ng paglalahad, at ang pagkakaiba ng feature news sa pangkaraniwang balita.

 

NILALAMAN

Ang episode ay tumatalakay sa kontrobersyal na pagkamatay ni Heneral Antonio Luna, isang prominenteng lider sa panahon ng Digmaang Pilipino-Amerikano. Tinalakay sa video ang iba't ibang teorya at pananaw tungkol sa kanyang pagkamatay, kabilang ang mga posibleng salarin at ang mga dahilan kung bakit siya pinatay. Ang nilalaman ay puno ng impormasyon at kwento mula sa kasaysayan, pati na rin ang mga testimonya mula sa mga eksperto at historian.

 

LAYUNIN

Ang pangunahing layunin ng episode ay ipaalam sa mga manonood ang mga hindi pa nalalaman na detalye ukol sa pagkamatay ni Heneral Luna at ang konteksto ng kanyang buhay. Layunin din nitong hikayatin ang mga manonood na mag-isip nang kritikal at tukuyin ang mga salik na nag-ambag sa kanyang trahedya, habang binibigyang-diin ang halaga ng kasaysayan sa pag-unawa sa kasalukuyan.

 

PARAAN NG PAGLALAHAD

Ang paraan ng paglalahad sa episode ay masining at detalyado. Gumamit ang programa ng mga reenactment, archival footage, at mga panayam sa mga historian upang ilarawan ang mga pangyayari. Ang estilo ni Jessica Soho sa pagsasalaysay ay nakaka-engganyo at nagbibigay ng mas malalim na koneksyon sa mga manonood, habang ang mga visual na elemento ay nagdadala ng buhay sa kwento at nagiging sanhi ng mas malaking interes sa mga manonood.

 

PAGHAHAMBING NG FEATURE NEWS SA PANGKARANIWANG BALITA

Ang feature news na ito ay mas nakatuon sa pagsisiyasat at pagkilala sa masalimuot na bahagi ng kasaysayan kumpara sa pangkaraniwang balita na madalas ay nag-uulat lamang ng mga kaganapan. Ang KMJS ay nagbibigay-diin sa kwento ng tao at mga konteksto sa likod ng mga pangyayari, samantalang ang pangkaraniwang balita ay nakatuon sa mga faktwal na impormasyon at mabilisang ulat. Sa pamamagitan ng mas malalim na pagsusuri at pagtalakay, ang episode ay nag-aanyaya sa mga manonood na mas maunawaan ang kasaysayan at ang mga tauhang kasangkot dito.

Sosyedad At Literatura (Obserbasyon, Reaksyon, at Konklusyon - Isang Sulating-Papel)

 

Sa aming klase sa Sosyedad at Literatura, kasama namin ang mga mag-aaral na major sa Science at Math. Dahil ito ay isang Filipino subject, ang pangunahing wika na ginamit sa pagtuturo ay Filipino. Isinagawa ang iba't ibang aktibidad tulad ng pagbabasa, panonood ng mga eksena, at pagsusulat ng balangkas sa pamamagitan ng reporting. Upang mas mapadali ang paghahanda ng mga mag-aaral, nagbigay ang guro ng module na naging malaking tulong sa pagrereport at pagkuha ng impormasyon.

 

Habang nakikinig ako sa mga reporting ng aking mga kamag-aral na Science at Math major, napansin ko na bagaman karaniwang English ang ginagamit na wika sa kanilang mga major subjects, sinikap nilang gamitin ang Filipino sa kanilang mga presentasyon. Dahil Filipino ang medium ng pagtuturo sa klase, mas naging madali para sa kanila na ipahayag ang kanilang mga aralin sa wikang ito. Bagaman may ilang pagkakataon na gumagamit sila ng mga English na termino, nauunawaan pa rin ito ng lahat dahil sa kanilang background. Na-appreciate ko ang kanilang pagsisikap na magpahayag sa Filipino, kahit na hindi ito ang karaniwang wika na ginagamit nila sa kanilang mga major subjects. Naging maayos ang kanilang pagrereport. Nagawa nilang malinaw na ipaliwanag ang kanilang mga paksa sa wikang Filipino at nagamit ang iba't ibang makrong kasanayan tulad ng pakikinig, pagsasalita, at pagsusuri. Bagaman may mga English na salitang ginamit, ito ay nauunawaan dahil sa kanilang specialization. Gayunpaman, patuloy silang nagsikap na magpahayag sa Filipino, na isang positibong bagay para sa akin.

 

Sa aking obserbasyon, naging epektibo ang paggamit ng Filipino sa aming klase sa kabila ng magkakaibang background ng mga mag-aaral. Nagawa nilang ipahayag nang malinaw ang kanilang mga ideya at naintindihan ng lahat ang mga aralin. Bagaman may mga hamon sa paggamit ng Filipino para sa mga Science at Math major, ito ay nauunawaan dahil sa kanilang specialization, at ipinakita nila ang kanilang pagsusumikap na magpahayag sa wika ng asignatura. Sa huli, naabot nila ang layunin ng kanilang reporting at naiparating nang maayos ang kanilang mga mensahe.

 

KEEP MOVING FORWARD

May napanood ako na isang pelikula. Ang pamagat nito ay “Meet the Robinsons”. Ang bida ay isang batang lalaki na mahilig sa agham at pangarap na maging scientist. Nag-imbento siya ng isang bagay at ipinakita niya ito sa kaniyang kapamilya at nung sinubukan niya ito ay nabigo siya. Ang naging reaksyon ng kaniyang pamilya ang pumukaw sa akin. Imbis na tawanan dahil sa kaniyang pagkabigo ay pinalakas pa nila ang loob nito at may isang linya na nagbigay ng inspirasyon sa akin. “From failing, you learn and from that failure, You become more inspired, Inspired to become more successful so just Keep Moving Forward.

 

            Magandang Araw! Ako si Jan Lib Andrei V. Casabar at sa mundo ngayon na puro hamon at pagsubok, paano tayo uusad at magpapatuloy? Paano natin magagawang magpatuloy sa mga balakid at kabiguan kahit na mahirap? 

 

            Ang buhay ay puno ng pagsubok at pagkakataon na maaaring magdulot ng pagkabigo. Hindi natin maiiwasan na tayo ay magkamali. Subalit ang mga pagkakamaling ito ay hindi natin dapat ituring na balakid kundi pagkakataon para bumangon at maging mas mahusay pa. Ang hindi pagsuko ay nagbibigay sa atin ng pagkakataon na matuto at maging mature. Sa bawat pagkakamali at kabiguan ay mayroon lagi tayong natututunan at ito ang nagsisilbing pundasyon para tayo ay maging malakas. Ang mga pagsubok na ito ay hindi hadlang kundi isang paraan para mahasa tayo na maging matatag at maging mas mahusay. Sa ating pagpapatuloy ay maraming oportunidad ang nagbubukas. Kapag tayo ay huminto, mawawala ang posibilidad na makita natin ang mga sumasalubong sa atin sa hinaharap at lagi nating tandan na mayroon laging pag-asa sa dulo ng paghihirap at may biyayang naghinintay. Dito natin napapatunayan na may determinasyon tayo at katatagan. Ipinapakita na kaya nating harapain ang mga pagsubok para maabot ang ating mga pangarap. Ito ay nagsisilbing inspirasyon hindi lamang sa atin kundi sa mga taong nakapaligid sa atin.

 

            Naalala ko pa noong bata pa ako at nag-aaral na magbisikleta. Sa bawat tumba at gasgas na nakukuha ko, hindi ako sumusuko. Patuloy akong sumasakay at susubukan kong muli at sa bawat pagsubok ay nagging mas bihasa ako, mas nagging matatag.

 

            Isa sa mga kilalang tao na kilala sa buong mundo na hindi sumuko ay si Thomas Edison. Bago niya natuklasan ang tamang formula para sa electric bulb ay nabigo siya ng mahigit isanglibong beses ngunit hindi siya tumigil. Sa halip ay ginamit niya ang kaniyang pagkakamali bilang pagkakataon para mas matuto at pagbutihin pa niya at dahil sa kaniyang determinasyon at pagpupursigi ang nagdala sa kaniya sa tagumpay na kaniyang inaasam.

 

            Sa pagtatapos, nais kong ipaalala sa ating lahat na ang buhay ay hindi palaging madali ngunit ito ay puno ng maraming pagkakataon. Sa bawat hakbang, maliit man ito ay isa pa ring hakbang patungo sa ating pangarap. Huwag tayo matakot sa kabiguan sapagkat ito ang nagsisilbing tulay para sa ating pag-unlad. Magtiwala tayo sa ating kakayahan at magtiwala lang sa ating sarili. Kaya’t sa bawat pagsubok, tandan natin ang paksang “Keep Moving Forward”. Patuloy tayong magsikap at makakamit natin ang mas maliwanag na bukas. Maraming Salamat po at magandang araw sa ating lahat.

Pagsusuri sa Dagli ni Jessa S. na Limampu't Libo

 

Limampu't Libo

ni Jessa S.

          Naligo si Ginang Reyes habang nagbabasa ang kaniyang asawa ng dyaryo. Pagkatapos maligo ay tinakpan niya ang kaniyang buong katawan ang kaniyang tuwalya at saka lumabas ng banyo

             Susunod nang maliligo ang kaniyang asawa dahil may pupuntahan silang isang selebrasyon

         Paakyat na si Ginang Reyes sa kaniyang kwarto upang magbihis, nang magbubukas ng pinto sapagkat silang dalawa lamang ng kaniyang asawa na kasalukuyang naliligo at magkasama sa kanilang tahanan.

             Narinig ni Ginang Reyes ang tinig ng kaniyang asawa at nagsabing "May tao, papasukin mo"

             At walang ano pa man ay agad na bumaba si Ginang Reyes upaang pagbuksan ng pinto ang tao sa labas ng kaniyang tahanan

         Binuksan ni Ginang Reyes ang pinto, pumasok naman sa kanilang tahanan ang lalaking kumatok sa kanilang pintuan at nakita ng lalaki na natatakip lamang sa tuwalya si Ginang Reyes

             "Bibigyan kita ng Php 50,000.00 ipakita mo lang sa'kin ang iyong buong katawan". Wika ng lalaki

             Sinunod naman ni Ginang Reyes ang sinabi ng lalaki at natanggap nya ang perang binaggit nito.

             Pagkatapos maligo ng kaniyang asawa ay tinantong nya kung sino ang kumatok sa kanilang pintuan.

             "Isang lalaking nag-abot sakin ng Php 50,000.00", sagot ni Ginang Reyes

             "Kaibigan ko iyon, umutang siya noon sa'kin noon ng pera. Buti naman ay nagbayad na siya"

 

 PAGSUSURI

1.       Simbolismo

ü  Php 50,000.00

o   Kumakatawan sa halaga ng dignidad at moralidad na tila ipinagpalit sa pera.

o   Sumisimbolo sa tukso ng pera at kung paano nito maaaring impluwensyahan ang mga desisyon ng isang tao.

ü  Pagbukas ng Pinto

o   Maaaring simbolo ito ng pagbukas ng sarili sa tukso o sa maling desisyon.

o   Sumisimbolo sa kawalan ng pagbabantay o ingat, na nagbukas ng daan sa negatibong sitwasyon.

ü  Tuwalya

o   Ang tuwalya ay maaaring sumisimbolo sa proteksyon ng sarili; kapag inalis, tila nawala rin ang proteksyon sa dignidad.

o   Maaaring tanda ng kanyang kahinaan na sinubok ng sitwasyon.

ü  Selebrasyon

o   Maaaring tumutukoy sa kawalang-pansin ng asawa sa mga pangyayari, isang simbolo ng distansya sa pagitan nila.

o   Nagpapakita ng kontradiksyon ng pagsasaya o pagdiriwang sa gitna ng di-nalulutas na isyu.

 

2.       Estilo

ü  Ang kwento ay isinulat sa tuwiran at payak na estilo, unti-unting inilalantad ang mga pangyayari upang makalikha ng suspense at sorpresa sa dulo.

ü  Ginamit ang direktang paglalarawan ng mga kilos ng mga karakter upang mailahad ang kabalintunaan ng sitwasyon.

 

3.       Tayutay

ü  Ironya

o   Ang kwento mismo ay puno ng kabalintunaan: Hindi alam ng asawa na ang perang iniabot sa kanya ay binayaran sa paraang hindi niya inaasahan, na nagresulta sa nakakatawang ngunit mapait na sitwasyon.

ü  Metapora

o   into bilang "Pinto ng Tadhana" - Ang pagbukas ng pinto ay maaaring ikumpara sa pagbukas ng sarili sa isang landas o sitwasyon na may kasamang panganib.

ü  Pagtutulad

o   Parang sinilong na ibon sa bitag ang dangal ni Ginang Reyes - Ang dignidad ni Ginang Reyes ay tila isang ibon na nahulog sa patibong ng pera.

ü  Personipikasyon

o   Ang pintuang nagbukas sa kasamaan - Ang pinto ay naging daan para sa negatibong pangyayari, na para bang ito ay may sariling intensyon 

4.       Teoryang Pampanitikan

ü  Realismo

o   Ipinapakita ng kwento ang mga sitwasyong maaaring mangyari sa tunay na buhay, lalo na ang mga sitwasyon kung saan tinutukso ng pera ang isang tao na talikuran ang kanilang dignidad.

ü  Moralismo

o   Binibigyang-diin ng kwento ang mga moral na usapin at aral ukol sa dignidad at sariling prinsipyo. Tila paalala ito sa halaga ng pagtitimbang sa sarili bago sumuong sa tukso.

ü  Eksistensyalismo

o   Sa pamamagitan ng aksyon ni Ginang Reyes, ipinapakita ang paniniwala sa pag-iral ng malayang pagpapasya sa kabila ng maaaring ituring na “moral na tama o mali.” Tumatalakay ito sa personal na pagpapasya at mga konsekuwensya ng sariling kilos.

WALANG SUGAT ni Severino Reyes

 

Ang Walang Sugat, isang sarswela na isinulat ni Severino Reyes, ay umiikot sa kwento nina Julia at Tenyong, magkasintahang nagmahalan sa gitna ng kaguluhan ng panahon ng himagsikan laban sa mga Espanyol. Napilitan si Tenyong na iwan si Julia upang sumama sa rebolusyon at ipaglaban ang bayan. Sa kanilang pagkakahiwalay, napilit si Julia ng kanyang ina na magpakasal kay Miguel, isang lalaking hindi niya mahal. Sa kasal, dumating si Tenyong na sugatan at tila nasa bingit ng kamatayan. Sa huling sandali, pinakasal sina Julia at Tenyong bilang katuparan ng huling hiling ng heneral. Sa pagtatapos, nabigla ang lahat nang malaman nilang hindi pala totoong sugatan si Tenyong, kaya’t nagwakas ang dula sa masayang tagpo.

Ang panonood ng Walang Sugat bilang isang dulang pantanghalan ay nagdulot ng mas matinding damdamin kumpara sa panonood ng pelikula o telebisyon. Ang live na pagtatanghal ay nagpaigting sa emosyon, lalo na’t nararamdaman ko ang bawat taghoy, galit, at kasiyahan ng mga aktor sa entablado. Ang eksenang nagpaalam si Tenyong kay Julia bago sumama sa rebolusyon ay nagbigay ng matinding lungkot, habang ang biglang pagbawi sa kasal ni Julia at Miguel ay nagdulot ng galit at saya nang magkasabay. Ang harapang pagsaksi sa kanilang damdamin, kasabay ng musika at galaw ng katawan, ay nakakapagpalapit sa manonood sa kwento.

Sa pelikula o telebisyon, bagaman maganda ang cinematography at editing, ang emosyon ay madalas limitado dahil sa distansya sa pagitan ng aktor at manonood. Sa dula, ang personal na presensya ng mga aktor ay nagdadala ng kakaibang kilig at tensyon na bihirang maranasan sa screen. Ang live na pagtatanghal ay may natural na alindog na nagbibigay ng pakiramdam na bahagi ka ng kwento, kaya’t mas malalim at mas makulay ang emosyon na nararanasan.

Sobre la Indolencia de los Filipinos o Ang Katamaran ng mga Pilipino

 

Ang sanaysay na "Ang Katamaran ng mga Pilipino" ni Dr. José Rizal ay naglalayong pabulaanan ang paniniwalang likas na tamad ang mga Pilipino, at ipinaliwanag niya na ang naturang katamaran ay produkto ng makasaysayang pang-aabuso at maling pamamahala ng kolonyal na Espanya. Dahil sa mga sistemang tulad ng sapilitang paggawa (polo y servicios), mataas na buwis, at kawalan ng karapatan sa sariling ani at lupa, nawalan ng sigla ang mga Pilipino na magsikap. Bukod dito, ang hindi makatarungang sistema ng edukasyon at maling paggamit ng relihiyon ay nag-ambag sa kawalan ng pagpapahalaga sa pagsusumikap, habang ang klima ng Pilipinas, na mainit at hindi angkop para sa mabibigat na trabaho, ay nakakaapekto rin sa pisikal na gawain ng mga tao. Sa kabila nito, hindi sinisi ni Rizal ang kalikasan o klima bilang pangunahing dahilan ng katamaran, kundi ang mga panlipunan at estruktural na problema. Ayon sa kanya, ang solusyon sa problemang ito ay nakasalalay sa mabuting pamamahala, makatarungang patakaran, at edukasyon na magpapalakas sa kakayahan ng mga Pilipino upang magsikap at umunlad. Sa ganitong paraan, naniniwala si Rizal na maibabalik ang kasipagan at sigla ng mga Pilipino sa pagpapaunlad ng kanilang sarili at ng bansa.

ANG LABAN SA BARANGAY MALAYA

 

Sa ilalim ng isang punong mangga sa Barangay Malaya, nagtipon-tipon ang ilang residente para sa isang pulong-barangay. Malapit na kasi ang eleksyon, at tila lahat ay sabik pakinggan ang mga plataporma ng dalawang kandidato para sa punong barangay na si Mang Ernesto, isang beterano sa pulitika, at si Lando, isang dating OFW na ngayon ay nais maglingkod sa kanilang bayan.

“Mga kabarangay,” panimula ni Mang Ernesto habang hawak ang mikropono, “hindi na tayo kailangan pang mag-eksperimento. Alam niyo na ang kakayahan ko. Sa loob ng tatlong termino ko, naipatayo natin ang barangay hall at naipaayos ang daan sa Sitio Matahimik!”

“Pero, Mang Ernesto,” tanong ni Aling Rosa mula sa hanay ng mga nakikinig, “bakit tila laging nauudlot ang water system project natin? Halos dalawang taon na iyon!”

Bahagyang natawa si Mang Ernesto at sinagot ito, “Ah, Aling Rosa, alam niyo naman ang proseso. Kung minsan, matagal ang pag-apruba sa munisipyo. Pero huwag kayong mag-alala, tututukan natin iyan sa susunod na termino.”

Biglang tumayo si Lando at humarap sa mga tao. “Mga kababayan, narinig niyo na ba ang sinasabi ni Mang Ernesto noon pa? Puro pangako, pero hanggang ngayon, wala pa ring tubig sa Sitio Matahimik!”

“E ikaw, Lando?” tanong ni Mang Ernesto, may halong pangungutya. “Hindi ka pa nga nakaupo, pero parang ang dami mo nang sinasabi. Anong karanasan mo sa pamumuno?”

“Hindi ko kailangang maging beterano para malaman kung ano ang kailangan ng tao,” sagot ni Lando. “Bilang OFW, nakita ko kung paano pinahahalagahan ang transparency sa ibang bansa. Kung papalarin akong mahalal, ipapakita ko sa inyo kung saan napupunta ang bawat sentimo ng pondo ng barangay!”

May narinig na bulong-bulungan mula sa mga tao. “Mukhang maganda ang sinasabi ni Lando,” wika ni Mang Tino, isang magsasaka.

“Pero hindi ba’t wala siyang karanasan?” tugon ni Aling Dely.

Naputol ang usapan nang biglang magsalita ang isang binatilyo, si Junjun, mula sa likod ng mga tao. “Pwede bang magtanong?”

Lumingon ang lahat. “Sige, Junjun, ano iyon?” sagot ni Mang Ernesto.

“Lahat po ba ng proyektong gagawin ninyo ay para sa tao o para sa eleksyon lang? Kasi po, bawat eleksyon, andami niyong pangako, pero parang kapag nanalo na kayo, nawawala ang sigasig.”

Tahimik ang lahat. Halatang tinamaan si Mang Ernesto at si Lando sa tanong ng binata.

Tumayo si Mang Ernesto at sinabing, “Junjun, ang mahalaga, may ginagawa kami. Pero hindi laging madali. Ang pulitika, parang chess. Hindi pwedeng isang galaw lang, panalo na. Strategiya, pasensya, at panahon ang kailangan.”

Ngunit mabilis na sumagot si Lando, “Ang problema, Mang Ernesto, masyado nang maraming panahon ang nasayang. Hindi na tayo pwedeng maghintay pa. Kailangan natin ng lider na mabilis umaksyon!”

Nagpalakpakan ang ilan, ngunit may iba ring umiling. Sa gitna ng diskusyon, tumayo si Kapitana Pilar, ang kasalukuyang namumuno.

“Mga kabarangay,” ani Kapitana Pilar, “ang pulitika ay hindi dapat labanan ng salita kundi pagkakaisa para sa ikabubuti ng lahat. Sa halip na mag-away, dapat iniisip natin kung ano ang solusyon.”

Nagkatitigan sina Mang Ernesto at Lando. Bagama’t matindi ang tensyon, nag-abot sila ng kamay sa isa’t isa. “Sa huli, kayo pa rin ang magpapasya, mga kababayan,” sabi ni Mang Ernesto.

“Oo nga,” dugtong ni Lando. “Basta’t ang mahalaga, sama-sama tayong bumangon.” Pagkatapos ng pulong, naghiwa-hiwalay ang mga tao. Ngunit sa kanilang mga mukha, may bakas ng pag-asa—na baka, sa darating na eleksyon, hindi lang salita ang mananaig, kundi tunay na aksyon para sa pagbabago.

MEDIA AND INFROMATION LITERACY

"Sa logo na aking nilikha, makikita ang tatlong bagay na may kahalagahan sa aking pag-aaral ng Media and Information Literacy (MIL). Ang mga ito ay ang magnifying glass, mata, at setting. Ang magnifying glass ay hindi lamang isang simpleng gamit, kundi isang simbolo ng paghahanap at pagsusuri. Sa kontekstong ito, ito ay kumakatawan sa ating pagsisikap na maghanap at magsuri ng mga impormasyon, upang mas mapalawak ang ating pang-unawa. Ang mata naman ay sumasalamin sa ating pananaw at kung paano natin tinitingnan ang mga impormasyon at mga katotohanan na nakapaligid sa atin. Ipinapakita ng mata na ang pagkakaroon ng tamang pananaw ay mahalaga sa pag-unawa ng mga datos na ipinapahayag sa ating mga paligid. Samantalang ang setting ay kumakatawan sa malawak na saklaw ng ating isipan. Ipinapakita nito ang pagiging bukas natin sa mga ideya, mga konsepto, at mga bagong pananaw na kailangan upang maging epektibo sa pagtanggap at pagproseso ng mga impormasyon.

Kapag pinagsama-sama ang tatlong simbolong ito, ang magnifying glass, mata, at setting, nabubuo ang isang komprehensibong representasyon ng Media and Information Literacy. Ipinapakita ng mga elementong ito ang kabuuan ng MIL na hindi lamang nakasalalay sa pagtanggap ng impormasyon, kundi sa masusing pagsusuri at pagpapalawak ng ating pananaw upang maunawaan ito ng buo. Ang MIL ay hindi lamang tungkol sa pagkuha ng impormasyon, kundi pati na rin sa pagiging mapanuri at matalino sa paggamit ng mga impormasyong ito sa makabagong panahon ng ika-21 siglo.

Ang paggawa ko ng logo na ito ay hindi lamang isang simpleng proyekto, kundi isang personal na representasyon ng aking natutunan sa Media and Information Literacy. Naniniwala ako na bagamat ang logo ay simple, ito ay may malalim na kahulugan. Ang pagiging simple ay may sariling kagandahan, at sa aking pananaw, ang simplisidad ng logo ay nagsisilbing paalala na hindi kailangang maging komplikado ang mga bagay upang magtaglay ng kahalagahan.

Sa huli, nais kong iparating ang mensahe na ang komunikasyon ay hindi lamang isang proseso ng pagpapahayag, kundi isang mahalagang paraan upang magkaintindihan tayo sa isa't isa. Ang tamang komunikasyon ay nagbibigay daan upang magkaroon tayo ng mas malalim na pag-unawa sa ating mga kapwa, sa impormasyon, at sa mundong ating ginagalawan."

THINK BEFORE YOU CLICK

 

Ang media ay naging mahalagang bahagi ng pang-araw-araw na buhay ng mga tao at may malaking impluwensya sa buong mundo. Sa mga platapormang tulad ng Facebook, Twitter, Instagram, Snapchat, at YouTube, maaari nating ipahayag ang ating sarili at gamitin ang kalayaan sa pananalita. Sa ilang tapik lamang sa screen, maaaring maipahayag ang opinyon at impormasyon sa buong mundo nang mabilis. Gayunpaman, ang pagiging madali ng pag-access sa media ay may kasamang mga karapatan, responsibilidad, at panganib. Ano ang mangyayari kung ang opinyon o impormasyong ibinahagi natin online ay mali? Ano ang magiging epekto nito sa mga tao sa paligid natin at sa ating sarili?

Ang media ay isang makapangyarihang kasangkapan para sa pagkakalap at pagpapakalat ng impormasyon. Mahirap isipin ang mundo na wala ito. Sa kasalukuyan, ginagamit ang media bilang isang plataporma para sa kalayaan sa pagpapahayag, lalo na sa mga mahahalagang kaganapan tulad ng eleksyon. Marami ang nagpapahayag ng kanilang opinyon tungkol sa mga kandidato, na nagreresulta sa pagdami ng impormasyon online. Bagamat may karapatan tayong mag-post sa social media, mahalagang tiyakin na ang ating ibinabahaging impormasyon ay totoo at tama. Ang pag-post ng maling impormasyon ay maaaring magdulot ng maling paniniwala sa iba, lalo na sa panahong mabilis maniwala ang karamihan sa kanilang nababasa online.

Bagamat mahalaga ang kalayaan sa pananalita, may kaakibat itong panganib. Ang salita ay makapangyarihan—maaari nitong saktan ang estado, mag-udyok ng karahasan, o makapanakit ng damdamin ng iba. Kaya’t mahalagang maging maingat at responsable sa ating mga post sa online na mundo.

Sa huli, habang tinatamasa natin ang karapatan sa pagpapahayag, tandaan natin na ang bawat impormasyon na ating ibinabahagi ay sumasalamin sa ating pagkatao. Ang maling impormasyon ay maaaring magpababa ng tiwala at kredibilidad. Kaya’t tiyaking totoo at mapagkakatiwalaan ang impormasyon bago ito i-post. Think Before You Click!

Susi sa Matagumpay na Pakikipagsosyo sa Negosyo

 

Ang pakikipagsosyo sa negosyo ay isang alyansa ng dalawa o higit pang tao na nagtutulungan sa isang negosyo, kung saan pantay na ibinabahagi ang kita at pagkalugi. Ang ganitong ugnayan ay nagbibigay-daan upang magamit ang pinagsamang mga mapagkukunan at pagsisikap ng bawat isa para makamit ang tagumpay. Anuman ang uri ng negosyo, mahalagang magkaroon ng tamang kasunduan upang matiyak ang benepisyo ng parehong panig at pangmatagalang katatagan. Upang makapagtatag ng matagumpay na pakikipagsosyo, mahalagang isaalang-alang ang tiwala, respeto, interes sa negosyo, at magkakaparehong mga layunin at halaga.

Ang tiwala at respeto ang pundasyon ng anumang matibay na pakikipagsosyo. Dapat may kumpiyansa ka sa mga desisyong ginagawa ng iyong kapartner at suportahan ang kanilang mga pananaw kung ito ay nakakabuti sa negosyo. Gayundin, kailangang igalang ang kakayahan at personalidad ng isa’t isa upang mapanatili ang pagkakaisa. Bukod dito, mahalaga rin na parehong may interes ang mga kapartner sa negosyong itinatayo. Kapag may interes at kaalaman ang mga kapartner, mas nagiging handa sila sa pagharap sa mga hamon at paggawa ng tamang desisyon. Hindi lamang ito tungkol sa pagkuha ng panganib kundi tungkol din sa pagbibigay ng solusyon kapag nagkaroon ng problema.

Isa pang mahalagang aspeto ang pagkakaroon ng magkakaparehong layunin at halaga. Ang isang pakikipagsosyo ay mas nagiging epektibo kapag parehong panig ay may pagkakatulad sa mga layunin at prinsipyo. Halimbawa, maaaring magkasundo sa pag-abot ng target na benta o sa pagpapalago ng kita. Ang hindi pagkakapareho sa mga layunin o halaga ay maaaring magdulot ng hindi pagkakaunawaan at posibleng magresulta sa pagkasira ng kasunduan.

Bagamat hindi madali ang pagtatag at pagpapanatili ng isang pakikipagsosyo, mahalagang maging bukas sa komunikasyon at pag-unawa. Sa pamamagitan ng pagbabahagi ng ideya at pakikinig sa isa’t isa, nagkakaroon ng pagkakaisa at mas mataas na pagkakataon para sa tagumpay ng negosyo.

Landas Tungo sa Pagbabago

 

Patuloy na paunlarin ang aking kaalaman,

Pinili ang landas na ito nang may layunin at malasakit.

Mag-aral, magbasa, at magsalita ang aking tungkulin,

Pagpapalakas sa kapwa ang hangad kong makamtan.

Maging matagumpay na makataong indibidwal,

Ibabahagi ang kaalaman upang makapagbigay ng inspirasyon.

Handang harapin at lutasin ang mga hamon ng mundo,

Ako ang liwanag na magpapasimula ng pagbabago.

Mailabas ang pinakamahusay na bersyon ng aking sarili,

Pinangungunahan ng hangaring maabot ang rurok ng tagumpay.

Hindi titigil hangga’t hindi nararating ang pangarap,

Ipinagmamalaking magsalita nang may katotohanan.

Movie Review "Vince and Kath and James"

 

Ang Vince and Kath and James ay isang pelikulang Filipino teen romance na idinierekta ni Theodore Boborol, tampok sina Julia Barretto bilang Kath, Joshua Garcia bilang Vince, at Ronnie Alonte bilang James. Ang pelikula ay hango sa online series na Vince and Kath na isinulat ni Jenny Ruth Almocera. Kwento ito ng isang dalagitang nahuhulog sa pag-ibig, na isinalaysay sa pamamagitan ng mga text message nina Vince at Kath, ang mga bida sa kwento. Naging opisyal na kalahok ito sa Metro Manila Film Festival (MMFF) noong 2016.

Sino nga ba ang pipiliin ni Kath sa huli? Si Vince, ang matalik niyang kaibigan, o si James, ang crush niya? Ang pelikulang ito ay nagpapaalala na ang pag-ibig ay nagbabago sa paglipas ng panahon. Bagamat madalas cheesy at predictable ang mga romantic films, nagiging nakakagulat ang epekto nito kapag na-execute nang maayos. Masasabi kong higit na mas maganda ang pelikulang ito kumpara sa mga karaniwang romance films.

Si Vince ay isang hopeless romantic na college student na palihim na umiibig sa kanyang kaibigan, si Kath. Dahil hindi niya kayang ipagtapat ang nararamdaman, gumawa siya ng blog kung saan niya inilalabas ang kanyang damdamin sa pamamagitan ng magaganda at makabuluhang salita. Samantala, si Kath, ang campus beauty queen, ay napansin ng pinsan ni Vince na si James, isang sikat na varsity player. Tinulungan ni Vince si James na ligawan si Kath sa pamamagitan ng pagpapadala ng mga text sa pangalan ni James, gamit ang alyas na “Var” (maikli para sa Varsity). Ngunit naging kumplikado ang lahat nang hindi na maitago ni Vince ang tunay niyang nararamdaman at ipinagtapat ito sa huli.

Bagamat parang tipikal ang kwento sa umpisa, ang nagpapatingkad sa pelikulang ito ay ang mahusay na pagkakagawa nito. Sa tamang mga artista at crew, naging kahanga-hanga ang Vince and Kath and James. Ang tamang anggulo ng kamera at talento ng produksyon ay nakapaghatid ng isang kwentong punong-puno ng emosyon.

Natural at makatotohanan ang mga linya sa pelikula—hindi ito cheesy o corny tulad ng karamihan sa mga romance films. Parang totoong mga kabataan ang mga tauhan, kaya mas madaling makaugnay ang manonood. Bukod dito, napapanahon ang paggamit ng social media at maayos ang paglipat ng bawat eksena. Ang mga screenwriter ay karapat-dapat papurihan dahil sa mahusay nilang pagkakagawa ng kwento.

Syempre, hindi magiging matagumpay ang pelikula kung wala ang mahusay na pagganap ng mga bida. Si Julia Barretto bilang Kath ay perpektong napili—kitang-kita ang dedikasyon niya sa kanyang trabaho. Si Ronnie Alonte naman, bagamat may kakulangan sa emosyonal na mga eksena, ay nairaos pa rin ang sweet na chemistry nila ni Julia.

Ngunit ang tunay na namukod-tangi ay si Joshua Garcia, na ginampanan si Vince nang buong puso. Nakuha niya ang atensyon ng lahat sa bawat eksena at nagawang ipadama sa mga manonood na dapat mahalin at kampihan si Vince para kay Kath. Ang eksena kung saan muling nakita ni Vince ang kanyang ina matapos ang mahabang panahon ay sobrang nakakaiyak at nagpamalas ng galing ni Joshua. Para siyang batang bersyon ni John Lloyd Cruz, at tiyak na malayo ang mararating niya sa industriya.

Bukod sa mga artista, isang malaking bahagi ng tagumpay ng pelikula ay ang soundtrack nito, na nagdagdag ng kilig at tamis sa bawat eksena. Ang O, Pag-ibig ni Ylona Garcia at Simpleng Tulad Mo ni Daniel Padilla ay nag-angat ng emosyon ng manonood, kaya’t lalong naging engaging ang pelikula.

Isang TALUMPATI tungkol sa "Pagpapasya nang May Gabay ng Pananampalataya"

 

        Tayo, ang kabataan, ay may responsibilidad hindi lamang para sa ating sarili kundi pati na rin sa mga tao at mundong ating ginagalawan. Ang ating mga desisyon ang humuhubog sa ating kinabukasan, at maging ito man ay malaki o maliit, may malalim na epekto ito sa ating buhay. Ngunit bago ako magsimula nang pormal, nais ko kayong tanungin: Ano ang batayan ninyo sa pagpapasya bilang isang mananampalataya ng Diyos? Umaasa ba kayo sa inyong kutob, o humihingi kayo ng gabay mula sa iba? Ako si Jan Lib Casabar, at ngayong araw, pag-uusapan natin ang kahalagahan ng tamang pagpapasya sa buhay ng mga mananampalataya, at kung paano tayo matutulungan ng matibay na batayan sa paggawa ng tamang desisyon.

       Bilang mga mananampalataya, napakahalaga ng pagkakaroon ng matibay na pundasyon sa paggawa ng desisyon, lalo na kung ito’y may malaking epekto sa ating buhay at sa iba. Ang ating pananampalataya ang nagsisilbing gabay upang tayo’y magkaroon ng linaw at direksyon sa gitna ng kawalang-katiyakan. May ilang paraan upang maging matibay ang ating pagpapasya bilang mga mananampalataya: sa pamamagitan ng mga tanda mula sa Diyos, pakikisalamuha sa iba, pagpili ng mabuti, at pagtanaw sa magiging bunga nito sa hinaharap. Marami sa atin ang umaasa sa mga tanda mula sa Diyos kapag kailangang magdesisyon. Ang mga tandang ito ay nagiging daan upang makuha natin ang kapanatagan ng loob. Halimbawa, may mga taong naghihintay ng partikular na palatandaan bago magbigay ng sagot sa isang manliligaw o sa isang mahalagang desisyon. Bagamat karaniwan ang ganitong kaugalian, mahalagang tandaan na ang mga tanda ay dapat sumasalamin din sa ating panloob na paniniwala at pananampalataya. Ang ating mga desisyon ay naaapektuhan din ng ating pakikisalamuha sa iba. Sa pamamagitan ng pakikipag-usap, karanasan, at maging sa mga pagkakamali, natututo tayo at nagiging mas maingat sa susunod na pagkakataon. Ang paggawa ng maling desisyon ay hindi katapusan ng lahat—bahagi ito ng buhay. Ang mahalaga ay ang ating mga natutunan mula rito at kung paano natin ito gagamitin upang mas maging matalino sa hinaharap. Bilang mga mananampalataya, ang pakikisalamuha sa ating komunidad o paghahanap ng payo mula sa mga mentor ay nagbibigay ng mas malalim na kaalaman at lakas sa ating pananampalataya. Ako mismo ay nagpapasya batay sa kung ano ang makabubuti hindi lamang sa kasalukuyan kundi para rin sa hinaharap. Hindi lamang ako pumipili ng mabuti o mas mabuti, kundi ng kung ano ang pinakamainam para sa akin. Isang halimbawa sa aking buhay ay nang magduda ako kung kukuha ba ako ng SSC exam dahil narinig kong mahirap ito. Nalinlangan ako, ngunit alam kong kung papasa ako, ito ay magbubukas ng maraming oportunidad para sa akin. Sa paggawa ng desisyong iyon, pinili kong unahin ang pinakamainam para sa aking kinabukasan, kahit pa nangangahulugan ito ng pagharap sa mahirap na hamon.

    Bilang pagtatapos, nais kong iwan ang katanungang ito sa inyo: Ang ating mga desisyon ang naglalarawan sa atin, ngunit dapat din itong magpakita ng ating pananampalataya. Hindi tayo nag-iisa sa ating mga desisyon; kasama natin ang Diyos, ang ating pamilya, ang ating mga kaibigan, at ang ating komunidad upang magbigay ng gabay. Ang tamang pagpapasya ay hindi lamang tungkol sa pagpili—itinataguyod nito ang karunungan, pagmamahal, at pananampalataya. Kaya sa susunod na haharap kayo sa isang mahirap na desisyon, itanong ninyo ito sa inyong sarili: Ito ba ay nakaayon sa aking pananampalataya? Ito ba ang landas na nais ng Diyos para sa akin? Sa tulong ng Diyos bilang ating pundasyon, magagawa nating harapin ang anumang desisyon nang may kumpiyansa at layunin.

GABAY NA HINDI KO KAYANG BITAWAN

 

        Naisip mo na ba kung sino ka kung wala kang moralidad? Makikilala mo pa kaya ang sarili mo, o pakiramdam mo'y mawawala ka nang walang gabay mula sa iyong konsensya? Para sa akin, ang ideya ng mabuhay nang walang moralidad ay parang imposible. Ang ating moralidad ang nagiging gabay sa kung paano natin tinatrato ang ibang tao at hinaharap ang buhay. Hindi lang ito mga patakaran na sinusunod—ito ang salamin ng ating pagkatao. Sa pagninilay ko rito, napagtanto ko kung gaano kahalaga ang aking mga kilos at kung paano nito ipinapakita kung sino talaga ako.

    Bilang tao, likas na konektado tayo sa ating mga kilos. Mabuti man o masama ang ginagawa natin, bumabalik ito sa kung anong meron tayo sa loob—ang ating mga prinsipyo, kalooban, at kaalaman sa tama at mali. Para sa akin, ang aking mga kilos ang naglalarawan kung sino ako. Kung paano ko tinatrato ang ibang tao at ang mga desisyong ginagawa ko ay repleksyon ng aking personalidad. Palagi akong nag-iisip bago kumilos. Tuwing may kailangang gawin o desisyong harapin, lagi kong tinatanong ang sarili ko: "Ano ang mangyayari kung gawin ko ito? Ano ang magiging resulta? Masasaktan ba ako o ang iba?" Hindi ibig sabihin nito na iniiwasan ko ang mahihirap na desisyon o palaging pinipili ang madali. Kahit minsan ay hindi pabor sa akin ang resulta, alam kong kumilos ako ayon sa aking paniniwala. Ito ang nagpapalakas sa akin—ang kaalamang ang bawat kilos ko ay tapat sa kung sino ako. Ang aking konsensya at moralidad ang nagsisilbing gabay ko upang magpatuloy at manatiling totoo sa aking sarili.

        Hindi ko maisip ang sarili ko na nabubuhay nang walang moralidad. Napakalaking bahagi nito ng aking pagkatao. Ang moralidad ang tumutulong sa akin na maunawaan ang aking mga kilos, ang ibang tao, at ang layunin ng aking buhay. Kahit minsan mahirap ang mga desisyon, ang mga ito ay sumasalamin sa aking paniniwala at sa kung sino ang nais kong maging. Kung wala akong moralidad, mawawala ang koneksyon ko sa sarili ko. At ito ang hindi ko kayang bitawan—dahil ang kilalanin at panindigan ang sarili ko ang pinakamahalaga para sa akin.

FOOD THAT TEENAGERS USUALLY EAT AND THEIR NUTRITIONAL VALUE AND THE RECOMMENDED FOOD TO EAT

 

Tree Planting for Healthy Green Victoria

 

 PROJECT TITLE

“Tree Planting for Healthy Green Victoria”

 

2.  PROJECT TYPE

This project involved the institution like Apostolic Vicariate of Calapan Parochial School including Department of Education (DepEd) and Department of Environment and Natural Resources (DENR) with the help of LGU and other concerned government agencies

 

3.  PROPONENTS

The people that will be involve in “Tree Planting for Healthy Green Victoria” are the students and teacher of Good Shepherd Academy from Elementary Department students to Senior High School Departments students.

 

4. AREA OF IMPLEMENTATION

The place that the project “Tree Planting for Healthy Green Victoria” will be apprehended in the whole Municipality of Victoria (all the 32 barangays and sitio). The plant that will be planted will be only on the mass land of Victoria

 

5.  PROJECT DURATION

Since CoVid 19 going on also this year, we proposed to organize this project “Tree Planting for Healthy Green Victoria” after the government allow the face to face school learning program and the quarantine will drop. We need to follow the health protocols that implemented by the government for our own sake.

 

6. TARGET BENEFICIARIES

Since this project “Tree Planting for Healthy Green Victoria” will be held at Municipality of Victoria, the beneficiaries of this event will be the people of Municipality of Victoria and our environment

 

7. EXPECTED OUTPUT/S

Since Good Shepherd Academy has a big population, one plant per person will be the best option. The population of the students and teachers of Good Shepherd Academy from Elementary Department students to Senior High School Departments students are averaging for about 1700 combining the students and the teachers. The target trees to be planted are about 1700 to be in total.

8. RATIONALE/BACKGROUND

Global warming has become the big threat to all mankind. It is now the primary concern of our civilized word. We need to admit that we are one of the biggest contributors in the rapid increase of temperature of our environment. And we must be aware to the cause and effect of global warming in our life.

Trees and plant help in reducing heat in our surrounding. It removes harmful chemical from the soil and reduced the greenhouse gasses, as it absorbed carbon dioxide and give off oxygen.

These trees hold tons of water during rainy days to avoid floods and soil erosion in our cities or municipalities.

Trees are the natural habitat of animals, bird, and other species. It is also the source of food, wood, and paper products. They were renewable and biodegradable and also recyclable. These trees are the big help in minimizing the noise, air, and water pollution. The trees around us are extremely important and have always been necessary for improving the human condition, both during its life and harvest.

Deforestation is a major reason behind the climate change crisis that we are facing today. No only has it led to the occurrence of numerous natural calamities, but it can also resulted in the severe depletion and extinction of many species of animals, plants, etc..

It is not a stretch to believe that without trees, we the humans would not exist in this beautiful world. We must plant trees instead of cutting it because trees are essential in our life. They are our breath, our life and life of the future generation. Make the earth greener and cleaner planet. Every tree we plant is breath of life. Let us start digging and bury the seed of the creation of every forest start with a single seed

 

9. OBJECTIVES

To increase the knowledge of the people of how important planting trees in our environment. Also, to advocate people of why we did this project for our environment and too to our health. Lastly is to improve conservation, land degradation, and to control climate change.

 

    SUSTAINABILITY

This will benefit our environment and also in education so that the students and teacher will be educated of how and why we did this project. It can increase our economic and tourism in our Municipality. I want to add that every two year, we will do it again and implement again so that we the students and the teacher will help the environment of Municipality of Victoria. It also one of the best options is that we need to widen the mass land that we are planting like implementing it also to our neighbor municipalities and cities until it come to the whole province

 

    POTENTIAL EFFECT TO THE SCHOOL

Since the school will be implementing this to our Municipality, it will help the awareness of the students and teacher. Also, to increase our knowledge why and how we did this to our Municipality.

 

 

     POTENTIAL BENEFIT TO THE COMMUNITY

The people of Municipality of Victoria are we called community. It will help the community by inhaling freely without hesitating to t pollution. It will help our environment and to the people of community.

 

     RISK MANAGEMENT PLAN

The CoVid 19 are ongoing now and the cases per day are rising. This is the main problem of implementing this project because of the protocol implement by the government. Also, the financial problem for buying the seedling of every students and teacher.

 

     KEY ACTIVITY AREAS

Committee 1	Committee 2	Committee 3	Committee 4
Rev. Fr. Luisito Catapang, Director	Mrs. Lolinie Ibon, Principal	Mr. Kim Christian Bagos SAC	Representative of the students, One who propose
As a head of the school, he will be the leader of implementing this project	The principal will be also be one of the leaders.	As a representative of the student, he will be the voice and the ears of the students	He/she will be the leader of the students and he will be the voice of them for the opinion

BUDGETARY REQUIREMENTS

Particulars	Unit of Measurement	Unit Cost	Quantity	Total Cost
Mahogany Plant	20 inches height	Php.100.00	1700	Php. 170,000.00

   

TIMELINE OF ACTIVITIES

Strategies/Action steps	Person who responsible	Status	Target Date	Cost
Keeping order on a certain place	School head with the help of government	Cancel due to CoVid 19	After CoVid 19 cases gone	None
Inspecting the area were the event occur	Student Affairs Coordinator	Cancel due to CoVid 19	After CoVid 19 cases gone	None